मकवानपुर थाहा नगरपालिका वडा नम्बर १० तल्लो विसिङ्खेलका अग्नी पीडित तीन परिवारलाई थाहा नगरपालिका वडा नम्बर ६ मा रहेको प्यासीफिक बचत तथा ऋण सहकारी संस्थाले आर्थिक सहयोग गरेको छ ।
यहि जेठ १७ गते बेलुकी आगोलागी भएर घर ध्वस्त भएपछि घाइते तथा पीडित परिवारलाई राहत दिइएको सहकारीका कोषाध्यक्ष रुपचन्द्र गोपालीले जानकारी दिए । पीडितहरुलाई कुल ३४ हजार रुपियाँ नगद सहयोग गरेको कोषाध्यक्ष गोपालीले बताए । सहकारीले घाईते किरण देवी गमालको परिवारलाई १८ हजार रुपियाँ तथा अग्नीपीडित जीवन गमालको परिवारलाई ८ हजार र अर्का अग्नी पीडित हेमन्त गमालको परिवारलाई ८ हजार रुपियाँ सहयोग गरिएको सहकारीले जनाएको छ ।
सहकारीका अध्यक्ष राजेन्द्र विडारीले पीडित परिवारलाई सहयोग रकम हस्तान्तरण गरेका हुन् । सहयोग हस्तान्तरण कार्यक्रममा अध्यक्ष विडारी, उपाध्यक्ष मिना जोशी, सचिव सविनभक्त श्रेष्ठ, कोषाध्यक्ष रुपचन्द्र गोपाली लगायत सहकारी संचालक समितिका पदअधिकारीहरु, १० नम्बर वडा सदस्य उषा गमाल र दीपक गोपालीको उपस्थिती रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
