थाहा नगरपालिका वडा नम्बर १२ मा रहेको ढुङ्गाखानीमा पहिरो जेसीबीसहित ३ वटा ट्रिपर पुरिएको छ ।
ढुङ्गा लोड गर्नका लागि पार्किङमा राखिएको ट्रिपर र जेसिबी पुरिएको स्थानीय सुरेश लामाले जानकारी दिए । पहिरोमा परी एकजना बेपत्ता भएको अनुमान गरिएको छ । अरु ट्रिपरमा पनि केही थिए वा थिएनन् भन्ने यकिन नभएको बुझिएको छ । पहिरो झर्ने डरले अहिले उद्धारको काम हुन नसकेको बताइएको छ ।
पहिरोले त्रिभुवन राजपथ अवरुद्ध छ । भर्खरै इलाका प्रहरी कार्यालय पालुङको प्रहरी टोली घटना स्थलसम्म पुगेको छ । घटनाको विस्तृत विवरण आउन बाँकी छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
