मकवानपुर थाहा नगरपालिका वडा नम्बर ११ टिष्टुङ देउरालीका एकजना पुरुषलाई कोरोना भाइरस संक्रमण भएको पुष्टि भएको छ ।
मन्त्रालयले गरेको नियमित पत्रकार सम्मेलनमा मकवानपुरको एकजनामा संक्रमण भएको पुष्टि भएका व्यक्ति टिष्टुङकै भएको थाहा भएको छ ।
सवारी चालकको पेशा गर्दै काठमाण्डौं बाफलमा बस्दै आएका पुरुषलाई कोरोना पुष्टि भएको छ । योसंगै मकवानपुर थाहा नगरमा स्थायी घरभई जिल्ला बाहिर बस्दै आएका तीन जनालाई कोरोना संक्रमण भैसकेको छ । उनको धुलीखेलमा परिक्षण गर्दा कोरोना संक्रमण पुष्टी भएको हो । संक्रमित पुरुष टिष्टुङ देउरालीबाट २५ बैशाखमा काठमाण्डौँ गएको बताइएको छ ।
यसैबीच टिष्टुङका कोरोना संक्रमित परिवारका सदस्य तीन जनालाई पिसीआर परीक्षणका लागि हेटौंडा लैजाने तयारी भैरहेको छ । उनको ६ जेठ साँझबाटै कन्ट्याक ट्रेसिङ शुरू भैसकेकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
