मकवानपुर थाहा नगरपालिकाका ३२ जना महिलाहरुले ब्याज अनुदान पाएका छन् ।
सहकारी संस्थाबाट ऋण लिएर व्यवसाय गर्ने महिलालाई मेन्टोर्श इन्टरनेशनल र च्वाइस नेपालले एक समारोहकाबीच व्याज अनुदान प्रदान गरेको हो । थाहानगरको पालुङ बहुउद्धेश्यीय सहकारी संस्थामार्फत् लगानी गरिएको कर्जाबाट व्यवसाय संचालन गरिरहेका महिलाहरुलाई २५ भाद्रमा व्याज अनुदान प्रदान गरिएको हो ।
व्यवसायिक रुपमा अघि बढेका सदस्यहरुलाई पुरस्कारवापत १० हजारका दरले व्याज अनुदान प्रदान गरिएको पालुङ सहकारी संस्थाका रामप्रसाद ढकालले बताए । कार्यक्रममा थाहा–२ का मैयादेवी कार्की र थाहा–४ की राधिका कार्कीले भने ३३ हजार रुपैयाको दरले पुरस्कार प्राप्त गरेका छन् । टेनलबाट खेती प्रविधिका लागि यो रकम उपलब्ध गराइएको च्वाइस नेपालका कूलप्रसाद तिवारीले बताए ।
संस्थाका अध्यक्ष पुरुषोत्तम कार्कीको अध्यक्षता र थाहा नगरपालिकाका उपप्रमुख खड्ग गोपालीको प्रमुख आतिथ्यतामा कार्यक्रम भएको थियो । कार्यक्रममा प्रमुख अतिथि गोपाली, च्वाइस नेपालका कार्यक्रम संयोजक चन्द्र अधिकारी, सहकारीका सचिब अरुण रायमाझी, सहभागी लक्ष्मी कार्की लगायतले मन्तव्य व्यक्त गरेका थिए ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787300617.png)
-1787203379.png)
![yfxf-kf]lnlSnlgsdf-ljz]if-1787138887.png](https://www.thahatimes.com/public/images/news/2026-08-19/400/yfxf-kf]lnlSnlgsdf-ljz]if-1787138887.png)
