कोरोना भाइरस (कोभिड–१९) को रोकथाम तथा नियन्त्रणको लागि क्वारेन्टाइन व्यवस्थापनको लागि थाहा नगरपालिकाका प्रत्येक वडामा एउटा क्वारेन्टाइन निर्माणका लागि संभावित क्षेत्र छनोट गरिएको छ ।
कोभिड–१९ को संक्रमण बढ्दै जाँदा नगरपालिकाको प्रत्येक वडामा क्वारेन्टाइन निर्माणको लागि संभावित स्थान छनोट गरिएको हो । छनोट गरिएको स्थानहरुमा वडा नम्बर १ को झम्केश्वरी÷पुरानो सुनौला मावि, वडा नम्बर २ को मत्स्यनारायण मावि, वडा नम्बर ३ को सेति गणेश निमावि, वडा नम्बर ५ को बसन्त प्रावि, वडा नम्बर ७ को सुन्दरी देवी÷सरस्वती मावि, वडा नम्बर ८ को इन्द्रायणी मावि, वडा नम्बर ९ को जनक प्रावि, वडा नम्बर १० को नाटेश्वर मावि÷चम्पाकेश्वर निमावि, वडा नम्बर ११ को बागेश्वरी मावि र वडा नम्बर १२ को नेपाल चेम्बर प्रा.वि. रहेका छन् ।
छनोट भएका स्थानहरुमा अति आवश्यक भएमा क्वारेन्टाइन प्रयोग गर्न सकिने कोरोना भाइरस रोकथाम तथा नियन्त्रण समन्वय समितिको सचिवालय सदस्य अनिल लामिछानेले बताए । अहिले थाहा–६ स्थित बज्रवाराहीमा ५ वटा हाइकेयर रुमसहित २५ कोठे कोरोना क्वारेन्टाइन रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
