फरक सोच अभियानले थाहा नगरपालिकाको भिडभाड हुने २ स्थानमा हात धुनका लागि साबुनसहितको पानीको बाल्टिन राखेको छ ।
थाहा नगरपालिकाका विभिन्न सहयोगीहरुको सहयोगमा थाहा नगरपालिकाको थाना बजार पालुङ बहुउद्देश्यीय सहकारी संस्था अगाडि र शिखरकोटमा नवजागृत पुस्तकालय अगाडि हात धुने ठाउँको व्यवस्था गरिएको फरक सोचका अध्यक्ष यादवजंग रायमाझीले जानकारी दिए ।
हात धुने ठाउँ बनाउनको लागि रोशन गोपाली र अनित बिष्टले बाल्टिन तथा अन्जल प्रधान र पुरुषोत्तम ढकालले सामुनका लागि आर्थिक सहयोग गरेका हुन् । हात धुने ठाउँमा हात धुने तरिकालाई फरक सोच अभियानका अध्यक्ष रायमाझी तथा गणेश बिष्टले सीप प्रदर्शन गरेर सिकाएका थिए ।
साबुन पानीले हात धुने, स्यानिटाइजरको प्रयोग र माक्स लगाएर हिँडेमा केही हदसम्म भाइरस नियन्त्रण गर्न सकिने विशेषज्ञकको राय अनुसार सार्वजनिक स्थानहरुमा राखिएको साबुन पानीले हात धुन फरक सोचले सबैलाई आग्रह गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
