मकवानपुर थाहा नगरपालिकामा रहेको इलाका प्रहरी कार्यालय पालुङबाट बरामद गरिएको घरेलु मदिरा नष्ट गरिएको छ । प्रहरीले थाहा नगरपालिकाको विभिन्न बजारबाट बरामद गरिएको घरेलु मदिरा ७ जेठमा नष्ट गरेको हो ।
नगरको ओखर बजार, बज्रबाराही, खानीगाउँ क्षेत्रबाट मदिरा बनाउन तयारी अवस्थाको कच्चा पदार्थ २ हजार लिटर र २ सय १५ लिटर मदिरा बरामद गरिएको प्रहरी निरीक्षक विकास तामाङले जानकारी दिए ।
यसैबीच, थाहा नगरपालिका, स्थानीय प्रशासन र थाहानगर उद्योग वाणिज्य संघको टोलीले बजार अनुगमन गरेको छ । कोरोनाको जोखिमको न्युनिकरण तथा सामानको बजार मूल्य र तौलको अनुगमन गरिएको थाहानगर उद्योग बाणिज्य संघका महासचिव सुरेन्द्रमान प्रधानले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
