थाहा नगरपालिका क्षेत्रमा रहेका खाद्यन्न पसलहरुको मौज्दात विवरण थाहा नगरपालिकाले संकलन थालेको छ । कोरोना भाइरसका कारण भएको लकडाउनका बेला अत्यावश्यक उपभोग्य बस्तुको आपूर्त तथा वितरण आँकलनका लागि विवरण संकलन गरिएको हो ।
उपभोग्य वस्तु सकिएपछि सिफारिस तथा नगरबासीलाई खरिदका लागि सहजता बनाउन कोरोना भाइरस रोकथाम तथा नियन्त्रण समन्वय समितिको सचिवालयले मौज्दात संकलन गर्न नगरपालिका अन्तर्गतका बजार व्यवस्थापन समितिहरुसंगको समन्वय गरेको सचिवालय सदस्य अनिल लामिछानेले बताए ।
लामछिानेका अनुसार १४ चैतको सचिवालयको रिपोर्टमा मोज्दात सार्वजनिक गरिने छ । सचिवालयको निर्णयको आधारमा मौज्दात संकलन भएकोले जे जति मौज्दात छ जानकारी गराइदिन व्यवशायीहरुलाई नगरपालिकाले अनुरोध गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
