प्रहरीले पाटे बाघको छाला सहित ४ जनालाई पक्राउ गरेको छ ।
पक्राउ पर्नेमा मकवानपुर थाहा नगरपालिका वडा नं. ८ का २४ वर्षिय सानुकान्छा थिङ, धादिङ गल्छी गाउँपालिका वडा नं. ५ का २७ बर्षीय आशिष तामाङ, सोही स्थानका २८ बर्षीय सुजन थिङ र सोही स्थानका टेकबहादुर तामाङ रहेका छन् । बिशेष सुचनाको अधारमा काठमाडौं महानगरपालिका वडा नं. १५ स्वयम्भू स्थित होटल प्लाजाको कोठा नं. २०८ बाट महानगरीय अपराध महाशाखाबाट खटिएको टोलीले पक्राउ गरेको हो । बाघको छाला ९ फिट लम्बाई र २ फिट २ ईन्च चौडाई रहेको छ ।
३५ लाखमा खरिद गरी ल्याएको बाघको छाला ६० लाखमा बिक्री गरी बाँडेर दशैं मनाउने मनसाययले प्रलोभनमा परी बेच्न आएको भन्ने समेत प्रारम्भिक अनुसन्धान खुलेको महानगरीय अपराध महाशाखाले जनाएको छ । धादिङको स्थानीय टेकबहादुर तामाङले नगद ३५ लाखमा खरिद गरी ल्याएको र उक्त रकम स्थानीय अर्को व्यक्तिले लगानी गरेको समेत अनुसन्धानबाट खुलेको महाशाखाले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
