मकवानपुर थाहा नगरपालिकाले आर्थिक वर्ष २०७७÷०७८ को नीति तथा कार्यक्रम पास गरेको छ । १० असारमा भएको नगरसभामा उपप्रमुख खड्ग गोपालीले पेश गरेको नीति तथा कार्यक्रम पास भएको हो ।
नगरसभामा छलफल सहित नीति तथा कार्यक्रम पास गरियोस भन्ने नगर प्रमुख लवशेर विष्टको प्रस्ताव सभाले सर्वसम्मत पास गरेको हो । नगरले कृषि, स्वास्थ्य र रोजगारलाई केन्द्रित गर्दै नीति तथा कार्यक्रम सभा समक्ष पेश गरेको थियो ।
विभिन्न क्षेत्रगत रुपमा थाहानगरले नीति तथा कार्यक्रम प्रस्तुत गरेको थियो । थाहा नगरपालिकाले स्रोत परिचालन, आर्थिक विकास, सामाजिक विकास, पूर्वाधार विकास, वातावरण तथा विपद व्यवस्थापन, संस्थागत विकासका क्षेत्रमा नीति तथा कार्यक्रम प्रस्तुत भएको हो ।
नीति तथा कार्यक्रम पास भएसंग नगरसभा बैठक १९ असारसम्मका लागि स्थगित भएको छ । १९ असारमा बस्ने नगरसभा बैठकबाट बजेट पास गरिने नगर उपप्रमुख खड्ग गोपालीले बताए ।
हेर्नुहोस् थाहानगरको आर्थिक वर्ष २०७७/०७८ को नीति तथा कार्यक्रमः
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
