मकवानपुरको पर्यटकीय गन्तव्य दामनका होटल तथा पसलहरु अनिश्चित कालका लागि बन्द गर्ने निर्णय भएको छ ।
कोभिड–१९ को संक्रमणको जोखिम बढ्दै गएपछि २९ साउन साँझ बसेको दामनका व्यवायीहरुको बैठकले अनिश्चित कालका लागि बन्द गर्ने निर्णय भएको स्थानीय व्यवशायी सुरज अधिकारीले जानकारी दिए । हेटौंडाबाट त्रिभुवन राजपथ हुँदै थाहानगर प्रवेश गर्ने दामन बजार बाटैमा पर्ने भएकाले सजिलै संक्रमण हुन सक्ने जोखिमलाई मध्येनजर गरेर बजार बन्द गर्ने निर्णयमा पुगेको अधिकारीले बताए ।
साथै दामनका व्यवशायीहरुले कोभिडबाट सुरक्षित हुनको लागि सबैलाई अनुरोध गरेका छन् । यसअघि सिमभन्ज्याङका व्यवशायीहरुले पनि स्वतःस्फुर्त रुपमा बजार बन्द गरिसकेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
