थाहा नगरपालिकाको पालुङमा रहेको जनकल्याण माविमबाट २०५६ सालमा एसएलसी परीक्षा दिएका विद्यार्थीहरुको भेला काठमाण्डौंमा सम्पन्न भएको छ ।
सामुहिक रुपमा आफूले अध्ययन गरेको विद्यालयलाई कसरी सहयोग गर्न सकिन्छ र आगामी दिनमा कसरी सँगै अघि बढ्न सकिन्छ भन्ने विषयमा छलफल गर्न भेला आयोजना गरिएको आयोजकमध्यका अगुवा जीवन बस्नेतले बताए ।
काठमाण्डौंको रातो भाले रेष्टुरेन्टमा भएको भेलामा सहभागीहरुले अहिले आफूहरु विभिन्न पेसा र क्षेत्रमा कार्यरत भइरहँदा यहाँसम्म ल्याउन शिक्षा प्रदान गर्ने विद्यालयलाई केही गर्नु पर्नेमा जोड दिएका थिए । भेलाले २०५६ साल ब्याचका विद्यार्थीहरुबाट प्रवेश शुल्क पाँच सय रुपिया र वार्षिक एक हजार २ सयका दरले रकम सकलन गर्ने र थाहा नगरपालिकाको शिक्षा विकासको क्षेत्रमा काम गर्ने निर्णय गरेको छ ।
‘विद्यालयलाई सहयोगसँगै हामी सामाजिक क्षेत्रमा पनि सँगै अघि बढ्छौं’ बस्नेतले भने । मकवानपुरे सेवा समाज र रोटरी क्लब अफ थाहामा समेत आवद्ध रहेका बस्नेतले जनकल्याण माविमा अध्ययन गरेका अन्य व्याचका विद्यार्थीहरुले पनि यसैगरी सहयोगी भावनाको साथ अघि बढे गुणस्तरीय शिक्षामा टेवा पुग्ने बताए ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787300617.png)
-1787203379.png)
![yfxf-kf]lnlSnlgsdf-ljz]if-1787138887.png](https://www.thahatimes.com/public/images/news/2026-08-19/400/yfxf-kf]lnlSnlgsdf-ljz]if-1787138887.png)
