आगामी १४ मंसिरबाट हुने चौंथो थाहा महोत्सवको लागि महोत्सव स्थलमा रहेको इन्द्रायणी माईको क्षमा पूजा गरिएको छ ।
मुख्य आयोजक थाहानगर उद्योग वाणिज्य संघले २ मंसिरमा ईन्द्रायणी माईको थानमा पण्डितहरुबाट मन्त्रोच्चारण गरी विधिपूर्वक क्षमा पूजा गरेको हो । पूजा कार्यक्रममा थाहा नगरपालिकाका प्रमुख विष्णुबहादुर विष्ट, उपप्रमुख भरत गोपाली, थाहा नगर उद्योग वाणिज्य संघका पदाधिकारीहरु, इन्द्रायणी–भगवती–कालाभैरव गुठी संरक्षण समितिका अध्यक्ष श्यामभक्त श्रेष्ठ, सचिव मधुकरविक्रम श्रेष्ठ लगायतको उपस्थिति रहेको थियो ।
क्षमा पूजापछि महोत्सवका लागि चौरमा स्टल स्थापना गर्न बाटो खुलेको मूल आयोजक समितिका अध्यक्ष पुरुषोत्तम ढकालले बताए । अब धमाधम स्टल स्थापनाको कार्य शुरु हुने उनले जानकारी दिए ।
उत्तरी मकवानपुरमा इन्द्रायणी माईलाई शक्तिशाली शक्तिपीठको रुपमा लिइन्छ । इन्द्रायणी चौरमा इन्द्रायणी थान छेकिनेगरी कुनै कार्यक्रम गर्दा इन्द्रायणी माईको क्षमा पूजा गर्ने चलन रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
