गणेशमान मार्ग अन्तर्गत चित्लाङ–थानकोट सडकको सेतो पहरामा २२ जेठमा जेसीबी दुर्घटना हुँदा थाहा नगरपालिकाका एकजना गम्भीर घाइते भएका छन् । दुर्घटनामा थाहा–४ का ३२ वर्षिय पूर्णध्वज केसी गम्भीर घाइते भएका हुन् ।
ना १ क ७२९३ नम्बरको जेसीबी दुर्घटना हुँदा गम्भीर घाइते भएका केसीलाई राष्ट्रिय ट्रमा सेन्टर काठमाण्डौंमा उपचारको लागि पठाइएको थानकोट प्रहरीले जनाएको छ । मकवानपुरको थाहा नगरपालिकाबाट थानकोट तर्फ जाँदै गर्दा जेसीबी अनियन्त्रीत भई दुर्घटना भएको प्रहरीले जनाएको छ ।
जेसीबीमा रहेका नवलपरासीका २४ वर्षिय अनिल मगर सामान्य घाइते भएको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
