सरकारले मकवानपुर थाहा नगरपालिकाको चित्लाङमा निर्माण थालेको मदन भण्डारी विज्ञान तथा प्रविधि विश्व बिद्यालय अन्तर्राष्ट्रियस्तरमा प्रतिस्पर्धात्मक हुने जनाएको छ ।
प्रतिनिधिसभाको शिक्षा तथा स्वास्थ्य समितिको सिंहदरबारमा बसेको बैठकमा शिक्षा, बिज्ञान तथा प्रविधि मन्त्री गिरिराजमणि पोखरेलले मदन भण्डारी बिज्ञान तथा प्रविधि विश्वविद्यालयले दक्ष जनशक्ति उत्पादन मात्रै नगरी नयाँ प्रविधिको समेत आविष्कार गर्ने बताए ।
मदन भण्डारी विज्ञान तथा प्रविधि विश्वविद्यालय सम्बन्धमा व्यवस्था गर्न बनेको विधेयकमाथि दफावार छलफलमा सांसदहरुले विश्वविद्यालयको नाम, पढाइ हुने बिषय, पदाधिकारी नियुक्तीलगायतका बिषयमा प्रश्न उठाएपछि समितिका सभापति जयपुरी घर्तीले बिधेयकमाथि थप छलफल गरेर निष्कर्षमा पुगिने जानकारी गराइन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
