मकवानपुर जिल्लाको थाहा वडा नम्बर ९ चित्लाङमा किसानले लगाएको बाली जंगली बँदेलको बथानले खानथालेपछि कृषकहरु चिन्तित भएकाछन् । थाहा–९ माझगाउँका करिब ४५ किसान परिवारले लगाएको मक, कोदोलगायतको बाली बँदेलले खाने र काट्नथालेपछि किसानहरु चिन्तित भएका हुन् ।
किसानहरुले लगाएको बालीमा जंगली बँदेल पसेर भसक्कै पारेको छ । किसानको बारीमा गाउँनजिकै रहेको मिलनचोक सामुदायिक वनबाट रातको समयमा बँदेल आएर खाने गरेको स्थानीय किसानहरु बताउँछन् । बँदेलले भर्खर लगाएको धान बालीमा समेत मनै थाम्न नसक्ने गरी असर पु¥याएको स्थानीय कृषक माया लक्ष्मी बलामीले बताइन् । ‘पहिले–पहिले बँदेल गाउँदेखि टाढाका बारीमा मात्र आउथ्यो, अहिले त गाउँको नजिकको बारीमै आएर बालीनाली नष्ट पार्न थाल्यो’– चिन्तित हुँदै कृषक बलामीले दुखेसो पोखिन् । जंगली जनावरले दुख दिनथालेपछि बारी बाझो राख्नुको विकल्प नभएको उनको भनाइ थियो । वर्षभरि दुःख गरेको बालीनाली आँखै अगाडि बँदेलले तहसनहस पार्न थालेपछि निकै समस्या हुन थालेको बलामीले बताइन् ।
पाँच वर्षदेखि गाउँमा बँदेल आतंक बढ्न थालेको थाहा–९ माझगाउँका सुरेश बलामीले जानकारी दिए । उनले भने, ‘बँदेलले दुःख दिन थालेपछि गाउँभन्दा टाढाका बारीहरु बाँझो हुन थालेका छन् ।’ पहिले पहिले बँदेल गाउँ पस्दैनथ्यो, अहिले त रातमा बथानै आएर उभद्रो मच्चाउँछ, उनले भने ।
बारी लगाएको बालीमा बँदेलले खाएर काटेर बिगानृ थालेपछि स्थानीय कृषकहरु मनिस बलामी, सन्जीव बलामी, शनिश बलामी, विकास बलामी, सुरेश बलामी, उमेश बलामी, काशीराम बलामीलगायत रातैभरी बँदेल गस्ती गर्छन् । यसरी रातैभरी कुर्दा पनि बँदेलले बाली खान नछोडेको उनीहरुको गुनासो छ । जंगली जनावरले बाली खाएर असर पु¥याएकोमा सम्बन्धीत निकायले ध्यान दिइनू पर्ने किसानहरुको भनाइ छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
