मकवानपुरको पर्यटकीय क्षेत्र दामनका होटलहरु ४ महिनाको बन्दाबन्दीपछि खुल्न थालेका छन् । पर्यटकीय दृष्टिले महत्वपूर्ण दामनसहित थाहानगरको पालुङ, टिस्टुङ र चित्लाङका होटलहरु आजबाट औपचारिक रुपमा खुलेको थाहा होटल एसोसिएसनका अध्यक्ष शिवकुमार खत्रीले जानकारी दिए ।
सरकारले गत असार २६ गतेबाट बन्दाबन्दी खोले पनि होटलहरु भने स्वास्थ्य सुरक्षाका उपाय अपनाएर साउन १५ गतेबाट मात्र संचालनमा ल्याउन सकिने निर्णय गरेअनुसार दामनका होटलहरु खुलेका हुन् । थाहा होटल एसोसिएसनको गत साउन १ गतेको बैठकले साउन १५ गतेबाट एसोसिएसनमा आवद्ध होटलहरु स्वास्थ्य सुरक्षा अपनाएर पुनः संचालनमा ल्याउने निर्णय गरेको थियो ।
वर्षा याम भएको र अझै लामो दूरीका सवारी संचालनमा नआएका कारण अपेक्षाकृत पर्यटकहरुको संख्या कम हुने भए पनि आन्तरिक पर्यटनमा सहयोग पु¥याउन होटलहरु पुनः संचालनमा ल्याइएको एसोसिएसनका महासचिब उकेशचन्द्र केसीले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
