१४ ग्राम १० मिलिग्राम खैरो हेरोइनसहित प्रहरीले दुइ जनालाई पक्राउ गरेको छ । पक्राउ पर्नेमा बाँके कोहलपुरका श्रीबहादुर रावत र बाँके बैजनाथका सुरज शाही रहेका छन् ।
भे २ प २७४ नम्बरको मोटरसाइकलमा लागू औषध लिएर आउदै गरेको अवस्थामा दाङको तुल्सीपुर उपमहानगरपालिका वडा नं १३ दमारगाउँमा रहेको अस्थायी प्रहरी चेकपोष्टले नियन्त्रणमा लिएको हो ।
शनिबार बेलुका अमेलिया तर्फबाट तुल्सीपुर आउँदै गरेको मोटरसाइल जाँच गर्दा मोटरसाइकलको सिटमुनी र उनीहरुले लगाएको भित्रि वस्त्रमा लुकाइ ल्याएको अवस्थामा खैरो हेरोइन बरामद गरेको इलाका प्रहरी कार्यालय तुल्सीपुर दाङले जनाएको छ ।
उनीहरुले खैरो हेरोइन ओसारपासारमा प्रयोग गरेको मोटरसाइकल पनि प्रहरीले नियन्त्रणमा लिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
