उदयपुरका एक पत्रकारमा पनि कोरोना संक्रमण देखिएको छ। कोरोना संक्रमित हुने सञ्चारकर्मीको संख्या ४ पुगेको छ। यसअघि पर्साको २ र धनुषाका एक सञ्चारकर्मीमा कोरोना संक्रमणको पुष्टि भएको थियो।
शुक्रबार संक्रमण पुष्टि भएका उदयपुर त्रियुगाका पुरुष सञ्चारकर्मी रहेको जिल्ला प्रशासन कार्यालय उदयपुरले जनाएको छ। उहाँको सम्पर्कमा आएकाको पहिचान भइरहेको जानकारी दिइएको छ।
उदयपुरमा कोरोना संक्रमणको संख्या ३३ पुगेको छ। सुरुमा उदयपुरको त्रियुगा नगरपालिका–३ भुल्केस्थित नुरीमस्जिद क्षेत्रमा देखिएको संक्रमण सदरमुकाम गाईघाट फैलिन थालेको देखिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
