कोरोना पोजिटिभ देखिएका गुल्मीको मदाने गाउँपालिका( १ का ४१ वर्षीय पुरुषको मृत्यु भएको हो। जेठ १ गते बुटवलमा उपचारका लागि आएका उनी क्रिमसन अस्पतालको आइसीयुमा भर्ना भएका थिए।
उपचारको क्रममा अस्पतालमा बुधबार बिहान मृत्यु भएको प्रदेश(५ का सामाजिक विकास मन्त्री सुदर्शन बरालले संक्रमित पुरुषको मृत्यु भएको पुष्टि गरेका छन्। संक्रमितको पारिवारिक स्रोतले समेत उनको मृत्यु भएको पुष्टि गरेका छन्। योसँगै नेपालमा कोरोनाबाट मृत्यु हुनेको संख्या ३ पुगेको छ।
श्वासप्रश्वासमा समस्या देखिएपछि बुटवलमा उपचारका लागि आएका उनमा संक्रमण देखिएको थियो। उनको भैरहवाको प्रयोगशालामा परीक्षणका क्रममा रिपोर्ट पोजिटिभ देखिएको हो। फोक्सोमा समस्या भएपछि उनलाई कृतिम श्वावप्रश्वास दिएर राखिएको थियो।
यस अगाडि बाँके र सिन्धुपाल्चोकमा एकरएक जनाको कोरोनाको कारण मृत्यु भएको थियो।
अन्नपुर्णबाट
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
