मकवानपुर थाहा नगरपालिकाको बज्रवाराहीमा स्थानीयहरुकै सक्रियतामा कोरोना भाइरसबाट सुरक्षित हुने अभियान थालेका छन् । बज्रवाराही बजार व्यवस्थापन समितिको नेतृत्वमा मास्क नलगाउनेलाई बज्रवाराहीमा प्रवेश निषेध अभियान थालिएको समतिका अध्यक्ष इन्द्र बहादुर श्रेष्ठले बताए ।
बजार व्यवस्थापन समितिले ११ भाद्रबाट बजारमा जोकोही पनि मास्क बिना हिँड् नपाउने नियम राखेका छन् । कोरोना भाइरस रोकथाम तथा नियन्त्रणका लागि यो अभियान थालिएको श्रेष्ठको भनाइ छ । अतिआवश्यक काम नपरी घरबाट ननिस्कन अनुरोध गर्दै समितिले निश्कनै परे मास्क लगाएर मात्र निश्कन सबैलाई समितिले अनुरोध गरेको छ ।
बज्रवाराहीले कोभिड–१९ रोकथाम तथा नियन्त्रणका लागि थालेका अभियानमा नगर प्रमुख लवशेर विष्टले प्रशंसा गरेका छन् । स्थानीयहरु नै सक्रिय भएर गरेको काम प्रभावकारी हुने बताउँदै सचेतनामुलक सन्देश ठाउँठाउामा राख्नको लागि नगरपालिकाले सहयोग गर्ने बताए । यसका लागि बजार व्यवस्थापन समितिले नगरपालिकासंग आवश्यक सहकार्य गर्न अनुरोध गरे । बजार व्यवस्थापन समितिहरु सक्रिय भएर प्रत्येक पसल अघि हातधुने ठाउँको व्यवस्था गरी मास्क प्रयोग गरेर भिडभाड कम गरे कोरोना जितिने प्रमुख विष्टको भनाई ।
थाहा नगरपालिकाको प्रमुख बजार क्षेत्रहरुमा बजार व्यवस्थापन समितिहरु गठन भएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
