मकवानपुरको कैलाश गाउँपालिकामा सुचिकृत नभइकनै खोटो संकलनकर्ताले जथाभावी खोटो संकलन गरिरहेको पाइएपछि २९ पौषमा खोटो लोड भएको एउटा ट्रक नियन्त्रणमा लिएर अनुसन्धान थालिएको छ । ना ५ ख ७७४ नं ट्रक गाउँपालिकासँगको समन्वयमा भार्ता प्रहरी चौकीले नियन्त्रणमा लिएको हो । कैलाश गाउँपालिका वडा नं ३ खिर्कीबाट सल्लाको खोटो लोड गरी हेटौँडा जाने तयारी भइरहेको अबस्थामा नियन्त्रणमा लिइएको जनाइएको छ ।
केही बर्षदेखि कैलाश गाउँपालिकाको वडा नं १, २, ३ र ८ नं वडामा नियमित रुपमा खोटो संकलन हुँदै आइरहेको छ । वातावरणीय प्रभाव मूल्यांकन नगरी जथाभावी रुपमा खोटो संकलन भइरहेकोमा त्यसलाई व्यवस्थित गर्ने तयारी गाउँपालिकाले गरेको अध्यक्ष टंकबहादुर मुक्तानले बताए । गाउँपालिकामा भइरहेको सल्लाको खोटो संकलन तथा निकासी कार्यप्रति गाउँपालिकाले चासो देखाएको छ ।
गाउँपालिकासँग समन्वय नगरीकन अनाधिकृत रुपमा खोटो संकलन भएको भन्दै गाउँपालिकाले प्रहरीसँग समन्वय गरी एउटा ट्रकलाई नियन्त्रणमा लिई अनुसन्धान थालेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
