टोखा नगरपालिका वडा नम्बर ११ बानियाटारबाट प्रहरीले मकवानपुरका एक महिलालाई पक्राउ गरेको छ ।पक्राउ पर्नेमा मकवानपुरको थाहानगरपालिका वडा नम्बर ७ घर भई हाल काठमाडौं महानगरपालिका–१४ कलंकी बस्ने ३७ वर्षीया बसुन्धरा केसी रहेकी छिन् ।
उनलाई टोखा नगरपालिका–११ बानियाटार डेरा गरी बस्ने मञ्जु मगरको कोठामा जुवातास खेलिरहेका अवस्थामा महानगरीय प्रहरी वृत्त महाराजगंजबाट खटिएको प्रहरीले मंगलबार पक्राउ गरेको जनाएको छ ।
प्रहरीले केसीसहित अन्य १२ जनलाई पनि पक्राउ गरेको छ । उनीहरुलाई मंगलबार जुवाखालबाट नगद २ हलाख ७१ हजार रुपैयाँ र तीन बुक ताससहित पक्राउ गरेको हो ।उनीहरुलाई नियन्त्रणमा लिई उक्त घटनाको विषयमा आवश्यक अनुसन्धान गरिरहेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
