इन्द्रसरोवरमा सर्वोकृष्ट विद्यार्थी, शिक्षक र विद्यालय सम्मान

एस.इ.इ.परिक्षा २०७५ मा इन्द्रसरोवरमा नै उत्कृष्ट नतिजा ल्याएको श्री महाचुनी मा.वि. आज सम्मानित भएको छ ।  इन्द्रसरोवर गाउँपालिकाले गरेको एस.इ.इ.परिक्षा २०७५ मा सर्वोकृष्ट विद्यार्थी, शिक्षक र विद्यालय सम्मान कार्यक्रममा आज महाचुनी मा.वि.लाई २ लाख रुपैँया सहित सम्मान पत्र प्रदान गरिएको हो । यस्तै आजनै विभिन्न शिक्षक तथा विद्यार्थीहरु सम्मानित भएका छन् । सम्मानित हुनेमा इन्द्रसरोवरमा रहेका विद्यालयहरुको व्यवस्थापन समितिका अध्यक्षहरु मध्ये मै उत्कृष्ट हुँदै महाचुनी मा.वि कै विद्यालय व्यवस्थापन समितिका अध्यक्ष धनराज महर्जन सम्मानित हुनु भएको छ । भने प्रधानाद्यापनहरुमा पनि उत्कृष्ट हुँदै महाचुनी मा.वि. कै प्र.अ. शान्तलाल लामा सम्मानित हुनु भएको छ ।  

शिक्षक सम्मानमा ७ जना शिक्षकहरु सम्मानित हुनु भएको छ । जसमा महाचुनी मा.वि.का शिक्षक तथा प्र.अ. शान्तलाल लामा, महाचुनी कै शिक्षकहरु सरस्वती बलामी, बद्री प्रसाद सञ्जेल र शेखर कार्की सम्मानित हुनु भएको छ भने बत्सलादेवीका शिक्षिक शशिकला भण्डारी २ वटा विषयमा उत्कृष्ट भई सम्मानित हुनु भएको छ भने बत्सलादेवीकै शिक्षक सुन्दर गोइत, कालीदेवी मा.वि.का शिक्षक गोकर्ण भारती सम्मानित हुनु भएको छ । यस्तै बत्सलादेवी मा.वि.का छात्रा हार्दिका विष्ट र पञ्चकन्या मा.वि.का छात्र सृजन सापकोटा उत्कृष्ट विद्यार्थीको रुपमा सम्मानित भएका छन् । सम्मानित हुने शिक्षक र विद्यार्थीहरु सबैलाई नगद १५÷१५ हजार रुपैँया प्रदान गरिएको इन्द्रसरोवर गाउँपालिकाका विद्यालय निरिक्षक धर्मानन्द पन्तले जानकारी दिनुभयो । 

२० औँ वर्ष शिक्षामा योगदान दिने शिक्षकको कसैले पनि मुल्याङ्ण नगर्ने विगतदेखिको परिपाटीलाई टोड्दै गाउँपालिकाले गरेको सम्मानको कामले शिक्षकहरुलाई प्रोत्साहन मिलेको चन्द्र प्रा.वि.का प्रधानाध्यापक लक्ष्मी रिमालले बताउनु भयो । इन्द्रसरोवर गाउँपालिका वडा नं २ का वडा अध्यक्ष राजुमान महर्जनको सभाध्यक्षतामा भएको कार्यक्रममा गाउँपालिकाका अध्यक्ष जीवन लामाको प्रमुख आतिथ्यता रहेको थियो भने उपाध्यक्ष उमा कुमारी लामाको विशिष्ट आतिथ्यता रहेको थियो ।