नेपालीहरुको दोस्रो ठूलो चाड तिहार ३० असोजबाट शुरु भएको छ । ३० असोज पहिलो दिन काग तिहार मनाइँदैछ । कागलाई यमराजको दूत मानेर पूजा गर्ने र मिठा परिकार खुवाउने प्रचलन छ । कागलाई खान नदिइकन आफूले खाएमा पापको भागी भइन्छ भन्ने धार्मिक मान्यता छ ।
कात्तिक कृष्ण त्रयोदशीदेखि कात्तिक शुक्ल द्वितीयासम्म पाँच दिन मनाइने भएकाले तिहारलाई यम पञ्चक पनि भनिन्छ । आज पहिलो दिन काग तिहारसँगै आयुर्वेद चिकित्साका पिता धनवन्तरी जयन्ती पनि मनाइन्छ ।
यसैगरी १ कात्तिक गते कुकुर तिहार र नरक चतुर्दशी, २ कात्तिकमा लक्ष्मी पूजा, ३ कात्तिक गाई, गोरु तिहार, कृषक र गोवद्र्धन पूजा एवं ४ कात्तिकमा भाइटीका परेको छ । यसपटक भाइटीकाको साइत ११ बजेर ५१ मिनेटमा उत्तम रहेको नेपाल पञ्चांग निर्णायक समितिले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
