मकवानपुरको विभिन्न स्थानमा आगामी असोज १ गतेदेखि सार्वजनिक यातायात सेवा संचालन हुने भएको छ ।
असोज १ गतेदेखि जिल्लाको पालुङ, दामन, चित्लाङ, फापरवारी, भीमफेदी, मनहरी लोथर, हटिया र पदमपोखरीलगायत विभिन्न स्थानमा सामाजिक दुरी कायम गरी सार्वजनिक यातायात सेवा संचालन हुने भएको हो ।
त्यसको लागि कार्यतालिका बनिसकेको नारायणी यातायात व्यवसायी संघ मकवानपुरका अध्यक्ष हिरालाल श्रेष्ठले जानकारी दिए ।
नारायणी यातायात व्यवसायी संघको अनुरोध अनुसार भदौं २९ गते जिल्ला कोभिड–१९ संकट व्यवस्थान केन्द्रको बैठकमा आगामी असोज १ गतेदेखि जोर–विजोर प्रणालीमा यातायात संचालन गर्न अनुमती प्रदान गर्ने भएको अध्यक्ष श्रेष्ठले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
