अफिम कारोबार गरेको ठहर गर्दै जिल्ला अदालत मकवानपुरले थाहा नगरपालिकाका दुई जनालाई जनही १५ वर्ष कैद गर्ने फैसला सुनाएको छ । अदालतले उनीहरुलाई जनही ५ लाख रुपैयाँ जरिवाना गर्ने आदेशसमेत गरेको छ ।
जिल्ला न्यायाधीश अवनी मैनाली भट्टराईको आज बसेको इजलासले थाहा नगरपालिका-८ काभ्रेका ५४ वर्षीय तेजबहादुर थिङ र थाहा नगरपालिका-११ टिस्टुङका ४३ वर्षीय शरण थिङलाई अफिम कारोबार गरेको ठहर गर्दै उक्त फैसला गरेको हो ।
थिङद्वयलाई प्रहरीले २०८० चैत १० गते हेटौंडा उपमहानगरपालिका-१० दिलखुश खाजा घरबाट २ केजी अफिमसहित पक्राउ गरेको थियो । अदालतले दोषी ठहर गरेका दुवै जना क्षेत्रीय कारागार भीमफेदीमा थुनामा छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
