मकवानपुर प्रहरीले गाँजा तस्करीमा संलग्न भएको आरोपमा तीन जनालाई पक्राउ गरेको छ । हेटौंडा उपमहानगरपालिका-१५ चुरियामाईको जंगलमा प्रहरी देखेपछि भाग्दै गरेका उनीहरुलाई हवाई फायर गरेर पक्राउ गरिएको जिल्ला प्रहरी कार्यालय मकवानपुरका एसपी शुसिलसिंह राठौरले जानकारी दिए ।
विशेष सूचना आधारमा गएको प्रहरी टोली देखेपछि डिएल ३ सिएक्यू ४१७२ नम्वरको भारतिय कारमा सवार उनी भाग्न खोजेका थिए । प्रहरीले कार चालक भारत मोतिहारीका ३७ बर्षीय दिलिपकुमार सिंह, उज्वलकुमार ठाकुर र रौतहट यमुनामाई गाँउपालिका-४ का २४ बर्षीय विकास सिंहलाई पक्राउ गरेको छ । उनीहरुको साथबाट अन्दाजी ३२ किलो गाँजा बरामद गरिएको छ ।
यस्तै हेटौंडा-१५ बाटै लागूऔषध गाँजा तस्करमा संलग्न अर्का एक जनालाई प्रहरीले पक्राउ गरेको छ । पक्राउ पर्नेमा मकवानपुर राक्सिराङ गाउँपालिका वडा नं. ५ का ३५ बर्षीय राजकुमार मोक्तान छन् । उनको साथबाट २१ किलो गाँजा र बा ५ ख ७२६८ नम्वरको ट्रक नियन्त्रणमा लिइएको छ ।
गस्तीमा गएको प्रहरी टोलीले हेटौंडा-१५ रातोमाटे जंगलबाट उनलाई नियन्त्रणमा लिएको एसपी राठौरले बताए । ट्रक चालक भने फरार छन् । उनको खोजी भइरहेको प्रहरीले जनाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
