संयुक्त शिक्षक संयोजन समिति मकवानपुरको भेला सम्पन्न

नेपाल राष्ट्रिय शिक्षक संगठन एबम् एकीकृत अखिल नेपाल राष्ट्रिय शिक्षक संगठन द्वारा गठीत संयुक्त शिक्षक संयोजन समिति मकवानपुरको बृहत् शिक्षक भेला आज हेटौडा क्याम्पसमा सम्पन्न भयो । यसअघि बाम घटकमा  आवद्ध पेशागत शिक्षक शक्तिहरु अलग रहेको सन्दर्भमा त्यसको एकताका लागि भेला आयोजना गरिएको संगठनका अध्यक्ष श्रीराम दहालले बताउनुभयो 

प्रतिनिधि सभा क्षेत्र नं २ का संयोजक शिक्षक किशोर बर्ताैलाले मकवानपुरमा शिक्षकहरुको यस्तो भेला  संघिय तथा प्रदेश सभाको चुनावी पूर्विन्ध्यामा पहिलोपट भएकोल ययसलाई  ऐतिहासिक भेलाको नाम दिईएको बताउनुभएको छ । कार्यक्रममा नेपाललाई स्थायी सरकार प्रदान गरि विकासको गतिलाई अग्रदिशामा लैजानका निम्ति शिक्षकहरुको भूमिका बारे केन्द्रित रहेको संयुक्त शिक्षक संयोजन समिति मकवानपुरका सहसंयोजक भोगेन्द्र लुईटेलले बताउनुभयो । 

संयुक्त शिक्षक संयोजन समिति मकवानपुरका संयोजक श्रीराम दहालको अध्यक्षतामा सम्पन्न कार्यक्रममा बाम गठवन्धनका प्रदेश सभा सदस्य समानुपातिकका उम्वेदवार मुनु सिग्देल,प्रतिनिधि सभा क्षेत्र नं १ का उम्वेद्वार कृष्ण प्रसाद दहाल, प्रतिनिधि सभा क्षेत्र नं १ख का उम्वेदवार डोरमणी पौडेल, प्रतिनिधिसभा क्षेत्र नंबर २ का उम्मेद्वार विरोध खतिवडा, २ (क) की कुमारी मोक्तान लगायतकाको आतिथ्यता रहेको थियो । भेलामा शिक्षकका संयुक्त पेशागत संस्थाका अगुवाहरु रमेशप्रसाद लामिछाने, तारानाथ खतिवडा, परशुराम गौतम, मोहन शर्मा, सम्भु लामा पद्मा पौडेल, ललित घलान, श्याम छतकुली , लगायतकाको उपस्थिति रहेको थियो ।