मकवानपुर प्रतिनिधिसभा निर्वाचन क्षेत्र नम्बर २ मा नेकपा एमालेका महेश बर्तौलाले अग्रता कायमै गरेका छन् । उनले ३९ हजार चारसय ४१ मत गणना हुँदासम्म १५ हजार नौंसय दुई मत ल्याएका छन् ।
उनलाई नेकपा एकीकृत समाजवादीका विरोध खतिवडाले पछ्याइरहेका छन् । खतिवडाले हालसम्म १३ हजार छ सय ५७ मत प्राप्त गरेका छन् । खतिवडा बाम लोकतान्त्रिक गठबन्धनबाट उम्मेदवार हुन् ।
नेकपा एमालेमा रहँदा खतिवडाकै राजनीतिक प्रशिक्षणमा हुर्किएका बर्तौला उनकै लागि भारी परेको छ ।
राष्ट्रिय स्वतन्त्र पार्टीका उम्मेदवार भरत पराजुलीले पाँच हजार सातसय ७९ मत ल्याएका छन् । हालसम्म एक हजार आठसय ७९ मत बदर भएको छ । यस क्षेत्रमा कुल मतदाता एक लाख ५० हजार पाँचसय ७८ रहेकोमा ८६ हजार छ सय ५२ मत खसेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
