मानव अंग प्रत्यारोपण केन्द्रबाट निष्काशित नर्सहरुको पुर्नबहालीको माग गर्दै विगत एक सातदेखि आन्दोलनरत नर्सहरुले देशव्यापी रुपमा १ माघदेखि तीन घण्टाका लागि काम छोडेका छन् ।
केन्द्रबाट निष्काशित नर्सका साथै अन्य कर्मचारी सहित सातै जनालाई पुर्नबहाली गरिनु पर्ने लगायतका ११ बुँदे माग राख्दै नर्सहरुले १ माघदेखि तीन घण्टाका लागि काम छाडेका हुन् । सोही कार्यक्रम अनुसार नर्सिङ संघ मकवानपुरले पनि कालो पट्टि सहितको तीन घन्टा सेवा ठप्प पारेका थिए । माग पूरा नभएसम्म आन्दोलन जारी रहने नर्सिङ संघ मकवानपुरकी आजिवन सदस्य कृतिका आचार्यले बताइन् ।
स्वास्थ्य मन्त्रालयले नर्सहरुको मागप्रति कुनै सुनुवाई नगरेपछि नेपाल नर्सिङ्ग संघको पूर्व घोषित कार्यक्रम अनुसार नै नर्सहरुले माघ १ गतेदेखि तीन दिनसम्मका तीन घण्टा काम छोडेका हुन् ।
उनीहरुले आन्दोलनकै क्रममा त्यसपछिको तीन दिन पूरै काम छोड्ने गरी पहिलो चरणको कार्यक्रम तय गरेको संघकी कार्यवाहक अध्यक्ष गंगा थापाले बताइन् ।
त्यति गर्दा पनि मन्त्रालयद्वारा मागको सुनुवाई नभए आन्दालनको दोश्रो चरणमा पूरै काम ठप्प पारी मन्त्रालय घेराउ गर्ने नर्सिङ्ग संघले चेतावनी दिएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1786724016.jpg)
