नेकपा (माओवादी केन्द्र) का अध्यक्ष एवम् पूर्वप्रधानमन्त्री पुष्पकमल दाहाल 'प्रचण्ड' पालुङ आइपुगेका छन् ।
माओवादीको युवा संगठन वाइसीएलको थाहानगर सम्मेलन उद्घाटनको क्रममा थाहानगर आइपुगेका प्रचण्डलाई थाहा नगरपालिका कार्यालयमा स्वागत गरिएको छ ।
थाहा नगरपालिकाका मेयर विष्णुबहादुर विष्ट, प्रमुख प्रशासकीय अधिकृत कृष्ण गिरी, कर्मचारीहरु लगायतले पूर्वप्रधानमन्त्री प्रचण्डलाई स्वागत गरेका छन् । स्वागतसँगै नगर प्रमुख विष्टले प्रचण्डसमक्ष थाहानगरपालिकाको विकासको अवस्था र चुनातिहरुका बारेमा जानकारी गराएका छन् ।
माओवादी अध्यक्ष अहिले थाहा नगरपालिका कार्यालयमा छन् । उनले केहीबेरमा वाइसीएलको थाहानगर सम्मेलनको उद्घाटन गर्नेछन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
