घरेलु तथा साना उद्योग कार्यालय हेटौंडाको आयोजना र थाहानगर उद्योग वाणिज्य संघ महिला उद्यमी विकास समितिको संयोजनमा दलित महिलाहरुका लागि संचालन गरिएको भगत सर्वजित सीप विकास तालिम सम्पन्न भएको छ ।
गत चैत्र ७ गतेबाट शुरु भएको तालीमको २४ जेठमा सम्पन्न भएको हो । तालिमको समापन थाहानगर उद्योग वाणिज्य संघको सभाहलमा गरिएको हो । घरेलु तथा साना उद्योग कार्यलयका निमित्त प्रमुख नारायण प्रसाद खनालको प्रमुख अतिथ्यतामा भएको थियो । कार्यक्रममा थाहानगर उद्योग वाणिज्य संघका अध्यक्ष कबिराज खत्री र महसचिब सुरेद्रमान प्रधानले मन्तव्य व्यक्त गरेका थिए ।
तालीमका सहभागीहरुलाई घरेलु तथा साना उद्योगले प्रमाणपत्र पनि वितरण गरेका थियो ।
