थाहा नगरपालिकामा आर्थिक वर्ष २०७४/०७५ देखि संचालनमा रहेको प्रधानमन्त्री कृषि आधुनीकीकरण परियोजनाको कार्यक्षेत्र विस्तार भएको छ ।
कृषि आधुनीकीकरण परियोजना, परियोजना कार्यान्वयन इकाई अन्तर्गत वडा नं. १ देखि १० सम्म मात्र रहेकोमा ११ र १२ नम्बर वडा कार्यक्षेत्र थप भएको परियोजना कार्यान्वयन इकाई तरकारी जोनका प्रमुख सुजन अम्गाईले जानकारी दिए । थपिएका दुई वडा साविक टिष्टुङ गाविस हुन् ।
परियोजना व्यवस्थापन समितिको असार २७ गतेको बैठकले वडा थप गर्ने प्रस्ताव स्वीकृत भएको परियोजना निर्देशक डाक्टर नरहरी प्रसाद घिमिरेले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
