मकवानपुरको थाहा नगरपालिकाको प्रथम नगरसभाले थाहालाई दिगो शान्ति स्थायित्व विकास र सम्वृद्धिको गन्तव्यको रुपमा चिनाउने नीति लिएको छ । नगरसभामा ३० असारमा नगरप्रमुख लवशेर विष्टले नगरलाई सम्वृद्ध बनाउनको लागि भौतिक पूर्वाधार, कृषि, पर्यटन शिक्षालगायतकाको क्षेत्रमा प्रवद्र्धन गरिने नीतिमा उल्लेख गरिएको छ । थाहानगरको विकास घरमा सम्पन्न नगरसभाले आर्थिक वर्ष २०७४/०७५ को लागि नगर उपप्रमुख खड्गबहादुर गोपालीले पेश गरेको ३७ करोड ४७ लाख ९६ हजार रुपियाँको बजेट नगरसभाले पास गरेको छ ।
नगरसभाले थाहालाई प्राप्त ११ करोड ९ लाख ७७ हजार शसर्त अनुदान समेत समावेश गरी कुल चालुतर्फ १७ करोड, ७९ लाख ७७ हजार विनियोजन गरेको छ । नगरसभाले पुँजीगततर्फ १८ करोड २१ लाख ७६ हजार विनियोज गरेको छ ।
थाहा नगरपालिकाले आन्तरिकतर्फ २ करोड ५३ लाख ४३ हजारको आय अनुमान गरेको छ भने केन्द्रीय अनुदानतर्फ विषयगत कार्यालयको शसर्त अनुदानबाट ११ करोड ९ लाख ७७ हजार र वित्तिय समानिकरणबाट २३ करोड ८४ लाख ७६ हजार गरी कुल ३४ करोड ९४ लाख ५३ हजारको अनुमान गरेको छ ।
थाहाको पहिलो नगरसभाले नगर प्रमुख लवशेर विष्टले प्रस्तुत गरेको नीति तथा कार्यक्रम, कार्यपालिकाबाट सभामा पेश भएको विभिन्न निर्णयहरु, आर्थिक ऐन २०७४, विनियोजन ऐन २०७४ समेत पास गरेको छ ।
र, यो पनि पढ्नूहोस्:
थाहा नगरपालिकाकाे कुन वडाकाे कुन कुन याेजनामा कति बजेट ?
