मकवानपुर थाहा नगरपालिका वडा नम्बर १० टौखेलमा रहेको एक पसलमा चोरी भएको छ ।
१३ जेठ राती पसलको ढोका फुटाएर धनमाल चोरी गरेको अवस्थामा विहान देखिएको इलाका प्रहरी कार्यालय पालुङले जनाएको छ । पसलमा रहेको किराना सामाग्रीहरु चाउचाउ, विस्कुट, पप, फ्रुटी, अण्डा, जुस, चामल तथा केही नगदसमेत चोरी भएको घरधनी भक्त बहादुर गोपालीले जानकारी दिए । गोपालीको किराना तथा चिया बेच्ने पसलको राती ताल्चा फोरेर चोरी गरेको गोपालीले बताए ।
घटना स्थलमा १४ जेठ विहान प्रहरी पुगेको र चोरी गर्नेहरुको खोजी भैरहेको इलाका प्रहरी कार्यालय पालुङले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
