मकवानपुर थाहा नगरपालिकाबाट कोभिड–१९ परीक्षणका लागि संकलन गरी पठाइएको ५० जनाको स्वाबको रिपोर्ट आएको छ । थाहा नगरपालिकाले क्वारेन्टिनमा रहेको १३ र बाँकी समुदायस्तरबाट स्वाब संकलनका लागि हेटौंडा परीक्षणका लागि पठाएको थियो । परीक्षण गरिएका सबैको रिपोर्ट नेगेटिभ आएको छ ।
थाहानगर कोरोना क्वारेन्टिनमा कोभिड–१९ पोजेटिभ आएकाको सम्पर्कमा रहेका अर्का पुरुषको पनि रिपोर्ट नेगेटिभ आएको हो । थाहानगर क्वारेन्टिनमा बसेका सबैको रिपोर्ट नेगेटिभ आएसंगै क्वारेन्टिन लामो समयपछि खाली भएको छ ।
त्यस्तै हेटौंडामा कोरोना पुष्टि भएका तर थाहानगरमा पनि ट्राभल हिस्ट्री रहेका ग्लोबल आइएमई बैंकका कर्मचारीको सम्पर्कमा रहेकाहरुको पनि रिपोर्ट नेगेटिभ आएको थाहा नगरपालिकाका स्वास्थ्य शाखाका प्रमुख मेघराज बलामीले बताए । थाहा नगरपालिकाले समुदायस्तरबाट थाहा–१, ३ र ४ नम्बर वडाबाट समेत गरी ३ भाद्रमा हेटौंडामा स्वाब परीक्षणका लागि पठाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
-1787300617.png)