नेपाल औषधि व्यवसायी संघ मकवानपुरकाे निर्वाचनमा थाहानगरका सुरेन्द्र श्रेष्ठले सदस्य पदमा उमेदवारी दिएका छन् ।
१३ फागुनमा हेटौंडामा हुने औषधि व्यवसायी संघकाे जिल्ला सदस्य पदमा श्रेष्ठले उमेदवारी दिएका हुन् । थाहा नगरपालिकाकाे लाेकप्रिय संकल्प पाेलिक्लिनिकका निर्देशक श्रेष्ठले आफ्नो दृढ प्रतिवद्धतासहित सदस्य पदमा उमेदवारी दिएकाे थाहा टाइम्सलाई बताए ।
मकवानपुरकाे उत्तरी क्षेत्र र थाहा नगरपालिकाबाट उमेदवारी दिएकाेले मकवानपुरका औषधि व्यवसायीहरुले भाैगाेलिक रुपमा समेत न्याय गर्ने श्रेष्ठले विश्वास व्यक्त गरे ।
श्रेष्ठ ल्यायम्ह: पुचः मकवानपुरकाे सचिव, ओखरबजार बजार व्यवस्थापन समितिकाे सदस्य, ओखरबजार एम्बुलेन्स व्यवस्थापन समितिकाे सचिव लगायत दर्जनाैँ संघसंस्थामा आवद्ध छन् ।
श्रेष्ठ निर्देशित संकल्प पाेलिक्लिनिकले उत्तरी मकवानपुरकाे दामन, पालुङ, बज्रवाराही, चित्लाङ, मार्खु, टिस्टुङ, आग्रा, गाेगने, डाँडाखर्क लगायत ग्रामीण भेगका समुदायलाई सेवा प्रदान गर्दै आएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
