स्थानीय तह निर्वाचन २०७९ अन्तर्गत् थाहा नगरपालिकामा खुल्ला सदस्यतर्फ एक जना महिला निर्वाचित भएकी छन् । महिला सदस्य र दलित महिला सदस्य कोटा बाहेक खुल्लातर्फ सदस्य पदमा उमेदवारी दिएर निर्वाचित हुने महिला हुन् वडा नम्बर ३ की पवित्रा कार्की ठकुरी ।
नेकपा माओवादी केन्द्रको तर्फबाट खुल्ला सदस्यमा निर्वाचित कार्कीले ७६३ मत ल्याएकी थिइन् ।
थाहा नगरमा खुल्ला सदस्यमा २ जनाबाहेक सबै पुरुषहरु मात्र उमेदवार रहेका थिए । माओवादीले ३ नम्बर वडामा र राप्रापाले ६ नम्बर वडामा खुल्ला सदस्यमा एक जना महिलालाई मैदानमा उतारेको थियो । राप्रपाबाट वडा नम्बर ६ मा विजयलक्ष्मी महर्जनले खुल्ला सदस्यमा उमेदवारी दिएकी थिइन् । उनले ३८ मत प्राप्त गरिन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
