त्रिभुवनराजपथ स्थित मकवानपुरको भीमफेदी गाउँपालिका वडा नम्बर ९ नामटारमा यात्रु बहाक टाटा विङ्गर गाडी दुर्घटना हुँदा चालक दिपक कोइरालाको मृत्यू भएको छ । २१ असार बेलुकी भएको दुर्घटनामा ९ जना घाइते भएकाछन् ।
काठमाण्डौबाट हेटौंडा हुँदै चितवनतर्फ जान लागेको लु १ ज २०२३ नम्बरको यात्रु बहाक गाडी बसिफाँट मावि नजिकैको सडकबाट करिब एकसय मीटर तल खसेको छ ।
दुर्घटनामा परेकाहरुको इलाका प्रहरी कार्यालय पालुङ र प्रहरी चौकी सिमभन्ज्याङका प्रहरीहरुले उद्धार गरेरका थिए । घाइतेहरुलाई उपचारको लागि हेटौंडा पठाइएको इलाका प्रहरी कार्यालय पालुङका प्रहरी निरीक्षक विरेन्द्र कुमार पासवानले जानकारी दिए ।
