मकवानपुरको थाहा नगरपालिका वडा नम्बर ३ मा रहेको खेटेखोला हुँदै खेतमा सिंचाईका लागि निर्माण भएको तेर्सो राजकुल पुर्ननिर्माण गरिएको छ ।
नेपाल रेडक्रस सोसाइटी मकवानपुर शाखाले संचालन गरेको भूकम्प प्रतिकार्य अन्तर्गत स्पेनिस रेडक्रस सोसाइटीको आर्थिक सहयोगमा पुर्ननिर्माण गरिएको रेडक्रसका सामाजिक परिचालक नवीन कार्कीले जानकारी दिए ।
भूकम्पपीडित किसानलाई जिविकोपार्जनमा सहयोग गर्ने उद्देश्यले राजकुलोको पुर्ननिर्माण गरिएको रेडक्रस मकवानपुरले जनाएको छ ।
रेडक्रस मकवानपुरको समन्वयमा सार्वजनिक शौचालयको मर्मत गरिएको छ । थाहा नगरपालिका वडा नम्बर ३ साविक थाहा ७ मा क्रियाशील पुर्नलाभ कार्य समूहको कार्यक्षमता अभिवृद्धि कार्यक्रम अन्तर्गत शौचालय मर्मत गरिएको हो ।
कुटकुटेश्वरमा रहेको सार्वजनिक शौचालय मर्मतका लागि रेडक्रसले बीस हजार रुपियाँ आर्थिक सहयोग गरेको छ ।
