मकवानपुर थाहा नगरपालिकाले थालेको कोरोना रोकथाम तथा नियन्त्रणका लागि थालिएको अभियानमा विकास साँझेदार संस्थाको सहयोग भएको छ । १ भाद्रमा डोटेराको सहयोगमा च्वाइस नेपालले विभिन्न स्वास्थ्य सामाग्रीहरु नगरपालिकालाई हस्तान्तरण गरेको छ ।
थाहानगरको हरेक विकास कार्यमा साँझेदारको रुपमा रहँदे आएको डोटेरा/च्वाइस नेपालले १ भाद्रमा विभिन्न सामाग्रीहरु पालुङ प्राथमिक स्वास्थ्य केन्द्रका डाक्टर सुबोध चापागाईलाई हस्तान्तरण गरे । काठमाण्डौंमा भएको हस्तान्तरण कार्यक्रममा डोटेराको नेपाल प्रतिनीधी राजेश अधिकारी र च्वाइस नेपालका कार्यकारी निर्देशक प्रतीक शर्माले भिटिएम १ हजार थान, सर्जिकल मास्क ५ हजार थान, एन९५ मास्क ३ सय थान, पिपिइ सेट ५० थानलगायतका थु्प्रै सामाग्रीहरु हस्तान्तरण गरेका हुन् ।
कोरोना भाइरस रोकथाम तथा नियन्त्रणका लागि डोटेराको सहयोगमा च्वाइस नेपालले गरेको सहयोग प्रति नगर प्रमुख लवशेर विष्टले आभार व्यक्त गरे । उनले नगरकै विकास साँझेदारको रुपमा सहकार्य गर्दै आएकोमा यसको निरन्तरताको कामना गरे । विपदको बेलामा च्वाइस नेपालले गरेको कार्य प्रशंसनीय भएको प्रतिक्रिया दिए ।
च्वाईस नेपालले यसअघि नगरका स्वास्थ्य, खानेपानी, शिक्षा तथा आयआर्जनका थुप्रै विकास कार्यमा सहयोग गर्दै आएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
