काठमाण्डौं बिरामी पु¥याएर मकवानपुरको थाहानगर फर्कदै गरेको एम्बुलेन्स र तरकारी बोक्ने गाडी चन्द्रागिरीमा लुटपाट भएको छ । मकवानपुरको थाहा नगरपलिका ६ बज्रवाराहीस्थित प्यासिफिक सहकारी संस्थाद्वारा संचालित एम्बुलेन्स र तरकारी गाडी लुटपाटमा परेको सहकारीका कोषाध्यक्ष रुपचन्द्र गोपालीले जानकारी दिए ।
३१ वैशाख मध्यरात साँढे १२ बजे सहकारीको प्रदेश–३–०१–०२३ च ११०९ नम्बरको एम्बुलेन्सबाट २ वटा मोबाइल सेट र १६ हजार रुपियाँ लुटिएको गोपालीले जानकारी दिए । सोही समयमा काठमाण्डौबाट तरकारी बेचेर थाहानगर फर्कदै गरेको बा ४ ख ९९० नम्बरको आइचर पनि लुटपाटमा परेको छ । आइचरमा रहेका राजन श्रेष्ठबाट ५ लाख ३० हजार लुटिएको बताइएको छ ।
८/१० जनाको समूहमा रहेका नचिनेका मानिसहरुले चन्द्रागिरीको सेतोपहरा भन्ने ठाउँमा लुटपाट भएको सहकारीका एम्बुलेन्स चालक इश्वर महर्जनले जानकारी दिए । एम्बुलेन्सले राष्ट्रिय ट्रमा सेन्टर काठमाडौँबाट डिस्चार्ज भएका बिरामी बोकेर गएको थियो भने आइचर तरकारी बेचेर काठमाण्डौंबाट फर्केको थियो । लुटपाट गर्ने समूहले आफूहरूलाई हतियारको त्रास देखाएको चालक महर्जनले बताए ।
लुटपाटमा संलग्नहरू मध्ये केहीलाई इलाका प्रहरी कार्यालय चित्लाङले पक्राउ गरेको छ। उनीहरूलाई महानगरीय प्रहरी वृत थानकोटमा रखिएको छ ।
काठमाडौँ र मकवानपुर आवतजावत गर्ने चित्लाङ चन्द्रागिरी सडक सबैभन्दा पुरानो र छोटो मार्ग हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
