जिल्ला प्रशासन कार्यालय मकवानपुरले कोरोना संक्रमणको जोखिम बढीरहेको अवस्थामा आम मकवानपुरबासीहरुलाईे चाडपर्व आफ्नै घरभित्र बसेर मनाउन निर्देशन दिएको छ ।कार्यालयले आज सार्वजनिक सूचना जारी गर्दै आम मकवानपुरबासीहरुलाई जनस्वास्थ्यका मापदण्डहरु पालना गरेर र आफ्ना परीवारका सदस्यहरुमात्रै संलग्न हुनेगरी चाडपर्व मनाउन निर्देशन दिएको हो ।
सूचनामा चाडपर्वको नाममा अनावश्यक रुपमा घर बाहिर ननिस्कन र ठूलो संख्यामा भेला नहुन सबैलाई अनुरोध गरिएको छ ।यदि प्रशासनको निर्देशन विपरितको कार्य भएको फेला परेमा कानून बमोजिम कारबाही गरिने कार्यालयका सूचना अधिकारी देवचन्द्र गर्तौलाले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
