यस वर्षको हरितालिका तीजमा मन्दिर नजान थाहानगरका भक्तालु महिलाहरुलाई थाहा नगरपालिकाले आग्रह गरेको छ । अहिले निषेधाज्ञा जारी रहेकोले अत्यावश्यक कामबाहेक घरबाट बाहिर ननिस्किन नगरपालिकाले आग्रह गरेको हो ।
चाडबाडको नाउँमा भीडभाड गर्न, सामुहिक नाचगान गर्न, मठमन्दिर जान र अनावश्यक रुपमा बाहिर हिँडडुल गर्न बन्देज गरिएको नगरपालिकाले जनाएको छ ।
नेपाली महिलाहरुको महान चाड हरितालिका तीज–२०७७ को अवसरमा शुभकामना दिँदै नगरपालिकाले परिवारका सदस्यहरुमाझ रचनात्मक र सिर्जनात्मक तरिकाले तीज बनाउन आग्रह गरेको छ ।
अघिल्ला वर्षहरुमा जस्तो साथीभाइ, आफन्त र इष्टमित्र भेला भएर महिलाहरुको महान चाड मनाउन सकिने अवस्था नरहेको नगरपालिकाले स्मरण पनि गराएको छ । कोरोना भाइरस रोकथाम तथा नियन्त्रण सचिवालयका उपसंयोजक मेघराज बलामीको हस्ताक्षरमा नगरपालिकाले अत्यन्त ‘जरुरी सूचना’ भन्दै सार्वजनिक गरेको सूचनामा जनस्वास्थ्यका मापदण्ड पालना गरेर घरमै तीज मनाउन भनिएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
-1787300617.png)