मकवानपुरमा २२ साउनमा ७० जनामा कोरोनाभाइरस (कोभिड–१९) संक्रमण पुष्टि भएको छ । २०१ जनाको पीसीआर र एन्टीजेन परीक्षण गर्दा उनीहरुमा कोरोना संक्रमण पुष्टि भएको जनस्वास्थ्य कार्यालय मकवानपुरले जनाएको छ ।
स्वास्थ्य कार्यालयका अनुसार १३६ जनाको पीसीआर परीक्षण गर्दा ६२ जना र ६५ जनाको एन्टीजेन परीक्षण गर्दा ६ जनामा गरी ७० जनामा कोरोना संक्रमण पुष्टि भएको हो ।
जिल्लामा २२ साउनमा सबैभन्दा धेरै संक्रमण पुष्टि हुनेमा हेटौँडा उपमहानगरपालिकाका रहेका छन् । त्यहाँ आज ६० जनामा कोरोना संक्रमण पुष्टि भएको हो ।
यसैगरी, संक्रमण पुष्टि हुनेहरुमा मकवानपुरगढी गाउँपालिकाका ३ जना, बागमती गाउँपालिकाका एक जना, मनहरी गाउँपालिकाका ४ जना, भीमफेदी र बकैया गाउँपालिकाका एक÷एक जना रहेका छन् ।
जिल्लामा यसअघि बिहिबार मात्रै १०२ जनामा कोरोना संक्रमण पुष्टि भएको थियो ।
यसैगरी जिल्लामा २२ साउनमा थप एक जना कोरोना संक्रमितको मृत्यु भएको छ । मृत्यु हुनेमा भीमफेदी गाउँपालिका वडा नम्वर १ बस्ने ४५ वर्षीया एक महिला रहेकी छन् । यससँगै जिल्लामा कोरोना संक्रमणका कारण मृत्यु हुनेको कूल संख्या १४७ जना पुगेको स्वास्थ्य कार्यालय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
