सरकारले थप २५ वटा अस्पतालमा ज्येष्ठ नागरिकको स्वास्थ्य उपचारमा ५० प्रतिशत छुटको व्यवस्था विस्तार गरेको छ । यो सँगै ज्येष्ठ नागरिकको निःशुल्क एवं सहुलियतपूर्ण स्वास्थ्य उपलब्ध गराउने अस्पतालहरु ४९ वटा पुगेको छ यसअघि २४ वटा अस्पतालमा यो सेवा सञ्चालन गर्दे आएको थियो ।
यी अस्पतालहरुमा ६० देखि ६९ वर्षसम्मका ज्येष्ठ नागरिकलाई स्वास्थ्य उपचार सेवामा ५० प्रतिशत छुट हुनेछ । ७० देखि ७९ वर्षसम्मका ज्येष्ठ नागरिकलाई शारीरिक अशक्तता, दीर्घरोग र आर्थिक स्थितिका आधारमा ७५ प्रतिशत, ८० देखि ८४ वर्षसम्मकालाई शतप्रतिशत छुट हनेछ ।
८५ वर्षभन्दा माथि उमेरसमूहलाई अस्पतालमा उपलब्ध सबै स्वास्थ्य सेवाहरु निःशुल्क हुनेछ । तर अस्पतालले उपलब्ध गराएको वार्ड वा बेडको प्रयोग नगरी प्राइभेट वार्ड वा क्याबिनमा बसी उपचार गरे सरकारले दिएको यी कुनै पनि सुविधा लागू हुने छैन ।
हेर्नुहाेस् अस्पतालको सूची :
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
