हेटौंडा सिमेन्ट उद्योग लिमिटेडको अध्यक्षमा रघुरमण न्यौपाने नियुक्त भएका छन् । मन्त्रीस्तरिय निर्णयबाट न्यौपाने ३ मंसीरमा अध्यक्ष नियुक्त भएका हुन् । हेटौंडा सिमेन्ट सरकारी स्वामित्वको उद्योग हो ।
उद्योगमन्त्री नविन्द्रराज जोशीले सिमेन्ट अध्यक्षमा न्यौपानेलाई अध्यक्ष नियुक्त गरेका छन् । न्यौपानेलाई अध्यक्ष बनाउन नेपाली कांग्रेस जिल्ला समिति मकवानपुरले समेत सिफारिस गरेको थियो ।
उनको कार्यकाल तीन बर्षको छ । नियुक्ति पत्र बुझिसकेपछि प्रतिक्रिया दिंदै न्यौपानेले आफ्नो कार्यकालमा उद्योगलाई अघि बढाउन कार्यतालिकाका साथ काम गर्ने प्रतिवद्धता व्यक्त गरे ।
यसअघि अध्यक्ष रहेका श्रीधर पोोखरेलको कार्यकालपछि पाँच महिनादेखि सकिएपछि हेटौंडा सिमेन्ट अध्यक्ष विहिन थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
