जिल्ला प्रशासन कार्यलय मकवानपुुरको कमाण्ड पोष्टले मकवानपुरको हेटौंडा उपमहानगरपालिका पुरै र मनहरी गाउँपालिकाको राजमार्ग क्षेत्रमा जारी रहेको निषेधज्ञा आउँदो भदौ ९ गते सम्म जारी गर्ने निर्णय गरेको छ ।
जिल्ला प्रशासन कार्यलय मकवानपुुरका प्रमुख दिपकराज नेपालले जिल्लामा संक्रमितको जोखिम रहेकोले आउँदो भदौ ९ गते सम्म निषेधज्ञालाई जारी राखिने बताए ।
यसैगरि बैठकले खाद्यन्न तथा तरकारी पसल भने बिहान ५ बजे देखि ८ बजेसम्म खोल्न दिने निर्णय गरेको छ । गत साउन २६ गते रातिबाट जारी गरिएको निषेधज्ञा ३२ साउन राति १२ बाट सकिनै लाग्दा प्रशासनले आउँदो भदौ ९ गते सम्म जारी राख्ने निर्णय गरेको हो । मकवानपुरमा हालसम्म १ सय ७० जनामा कोरोना पुष्टि भएको छ भने ४४ जना संक्रमित कोरोना मुक्त भएर घर फर्किसकेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
