“हुनेले दिएर जाऔं नहुनेले लिएर जाऔं” भन्ने अभियान सहित सुरु भएको फुडबैंकलाई मकवानपुर जिल्ला साईकल संघले आज खाद्यान्न सामग्री सहयोग गरेको छ ।
मदन भण्डारी फाउण्डेशन मकवानपुरले सञ्चालन गरेको फुड बैंकलाई आइतबार समाजले १४ हजार ५ सय बराबरको चामल, दाल, नुन र तेल खाद्यन्न सहयोग गरेको हो । कोरोना संक्रमणको कारण दैनिक गुजरा टार्न समेत समस्या भएकाहरुको लागि भनेर सञ्चालनमा आएको फुडबैंकलाई जिल्ला संघको पदाधिकारी तथा सदस्यहरुले व्यक्तिगत रकम संकलन गरी सहयोग गरेको अध्यक्ष्य संगित श्रेष्ठले बताए ।
मकवानपुर जिल्ला साईकल संघका कार्यसमितिको उपस्थितिमा फाउण्डेशनका अध्यक्ष रघुनाथ खुलाललाई खाद्यान्न सामग्री हस्तान्तरण गरेको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
